കുവൈറ്റ് സിറ്റി: കുവൈറ്റ് കെഎംസിസി തൃശൂർ ജില്ലാ കമ്മിറ്റിയുടെ നേതൃത്വത്തിൽ മുസ്ലിം ലീഗ് തൃശൂർ ജില്ലാ മുൻ ജനറൽ സെക്രട്ടറിയും സംസ്ഥാന പ്രവർത്തക സമിതി അംഗവുമായിരുന്ന ഇ.പി. ഖമറുദ്ദീൻ സാഹിബിന്റെ നിര്യാണത്തിൽ അനുശോചന സംഗമം സംഘടിപ്പിച്ചു.
കുവൈറ്റ് കെഎംസിസി തൃശൂർ ജില്ലാ പ്രസിഡന്റ് ഹബീബുള്ള മുറ്റിച്ചൂർ അധ്യക്ഷത വഹിച്ച യോഗം കെഎംസി സി സംസ്ഥാന ആക്റ്റിംഗ് പ്രസിഡന്റ് ഫാറൂഖ് ഹമദാനി ഉദ്ഘാടനം ചെയ്തു.
പ്രമുഖ വാഗ്മിയും പണ്ഡിതനുമായ സിറാജുദ്ദീൻ അൽ ഖാസിമി പത്തനാപുരം പ്രാർഥനാ സംഗമത്തിന് നേതൃത്വം നല്കി. അനുസ്മരണ പ്രഭാഷണം നടത്തിയ കുന്ദംകുളം മണ്ഡലം വൈസ് പ്രസിഡന്റ് താഹ, ഇ.പി. കമറുദ്ദീൻ സാഹിബിന്റെ ത്യാഗനിർഭരമായ പ്രവർത്തനങ്ങളെ അനുസ്മരിച്ചു.
കുവൈറ്റ് കെഎംസിസി സംസ്ഥാന ജനറൽ സിക്രട്ടറി മുസ്തഫാ കാരി, സംസ്ഥാന ട്രഷററർ ഹാരിസ് വള്ളിയോത്ത്, സംസ്ഥാന വൈസ് പ്രസിഡന്റ് ഇക്ബാൽ മാവിലാടം എന്നിവർ പ്രസംഗിച്ചു.
ജില്ലാ നേതാക്കളായ നാസർ തളി, നുറുദ്ദീൻ കൊടുങ്ങല്ലൂർ, ഹംസകുട്ടി കൈപ്പമംഗലം, അബ്ദുറഹ്മാൻ ഗുരുവായൂർ, റാഷിദ് കുന്ദംകുളം, റെഷീദ് ഇരിങ്ങാലക്കുട, അഷ്റഫ് കൊടുങ്ങല്ലൂർ എന്നിവരും മറ്റു വർക്കിംഗ് കമ്മിറ്റി അംഗങ്ങളും പരിപാടിക്ക് നേതൃത്വം നല്കി.
ആബിദ് കാസ്മി നിട്ടിക ഖിറാഅത്ത് നടത്തി . ജില്ലാ ജനറൽ സെക്രട്ടറി മുഹമ്മദാലി ചെറുതുരുത്തി സ്വാഗതവും ട്രഷററർ അസീസ് പാടൂർ നന്ദിയും പറഞ്ഞു.